Category Archives: Kesis Asteraye’s Page

ምኩራብ (Mekurab) በዘመናችን ቤተክርስቲያን ያጋጠማትን ችግር የዳሰሰ ጥልቅ ትምህርት!(Video)

ምኩራብ (Mekurab) በዘመናችን ቤተክርስቲያን ያጋጠማትን ችግር የዳሰሰ ጥልቅ ትምህርት!

በካንሳስ ደብረ ሣህል መድኀኔዓለም ቤተ ክርስቲያን፤ የካቲት 27 ቀን 2009 ዓ/ም ጾመ ኢየሱስ በገባ በሶስተኛው እሁድ የምኩራብ እለት ከቀሲስ አስተርአየ የቀረበ ትምህርት ነው።
የሳምንቱ ምንባባችን በክርስቶስ፤ በአይሁድና በሐዋርያት መካከል የተካሄዱትን ውዝግቦች አካተው የያዙ ናቸው። ውዝግቦች የተካሄዱትም በምኩራብ ውስጥ ነው። ይህ የምንቀበለው ሳምንት በምኩራብ የተሰየመውም በዚህ ምክንያት ነው። የጾምና ጸሎት ወቅት ባካባቢያችንና በሩቅ የምንሰማውን ካለፈው ከኛ በፊት ከተካሄደው ጋራ በማነጻጸር፤ በመርመር፤ እየታዘብን የሚታረመውን ለማረም፤ የሚጥቅመውን ለመጠበቅ ነው። የሳምንቱ ጸሎታችንም መመስረት ያለበት ውዝግቦችን በምንመረምርበት ዛሬ በተነበበው ወንጌል ነው። ወንጌሉን የምንተረጉመው በሐዋርያት ትምህርት በኦርቶዶክሳውያን ሊቃውንት በእነ ቅዱስ ዮሐንስ አፈወርቅ ስብከት፤ ከዚያም በራሳችን ሊቃውንት አባቶቻችን ቅኔ ነው።
ባለንበት ዘመን በራሳችን፤ ባካባቢያችን፤ በደብራችን በአገራችን የኦርቶዶክስ ተዋህዶ ክርስትና የማይፈቅደው በጳጳሳት በቀሳውስት በዲያቆናት በመነኮሳት በቆሞሳት ስም የሚፈጸሙ ወደ ቤተ ክርስቲያናችን ሰርገው የገቡትን መታረም የሚገባቸውን እንመልከት። ባጭሩ ለመጠቆም፦
በምኩራብ መካሄድ የማይገባቸው የተለያዩ የንግድ ቆሳቁሶች እንደገቡ፤ በቤተ ክርስቲያናችን መከሰት የሌለባቸው ድርብርብ ነገሮች፦
1ኛ፦ የተደራረቡ የቅጽል ስሞች
2ኛ፦በተለይ በውጭ ዓለም ባሉ አብያተ ክርስቲያናት ህንጻ ድርብ እየተባሉ የሚነገሩ ጽላቶች።
3ኛ፦በዝሙት በዘረፋ የሚወቀሱት ጳጳሳት መነኮሳት ቀሳውስት ያላንዳች ሀፍረት በድፍረት በቤተ መቅደስ አገልግሎት መሰለፋቸው።
4ኛ፦ መታረም ይገባል ከሚሉት ሰዎች ጋራ ከመተባበር ይልቅ፤ እንዲቀጥል የሚተባበሩ፤ ይ ታረም የሚለውን ድምጽ ለማፈን የሚተግሉት ሰዎች፤ የእምነት የታሪክ ጠላቶች ለሀገር ለእምነት ለታሪክ ለትውልድ ቀቅለው የበሉ፤ ከሚካሄደው የኃጢአት ዝቅጠት ትርፍ በመሸመት ላይ ያሉ፤ ለግል ጊዜአዊ ደስታ ብቻ ሲሉ፤ ክርስቶስን ይህን ስህተት ለመቃወም ስልጣን ማን ሰጠህ እያሉ እንደታገሉት፤ በዘመናችንም ይታረሙ ከሚሉት ጋራ ተሰልፈው መታረም የሚገባው እንዲታረም ከመታገል ይልቅ የሚተባበሩት ተከስተዋል። የመከራው ዘመን እንዲራዘም የሚመኙ ናቸው። ክርስቶ በአይሁድ ከሰነዘረው ከመድ ጅራፍ፤ እጅግ የበለጠ የእሳት ጅራፍ እንደሚጠብቸው በአጽንኦ ያስገነዝባል ፤ ቪድዮውን ይመልከቱ

“ጽድቅን ለመፈጸም ክርስቶስ ተጠመቀ” የጌታችን የኢየሱስ ክርስቶስ ጥምቀት በዓል በኢትዮጵያውን እይታ

eotc_timketጌታችን ኢየሱስ ክርስቶስ በዮርዳኖስ ውሀ በዮሐንስ እጅ እንደተጠመቀ እንኳን ክርስቲያን፤ ከክርስትና እምነት ውጭ የሆነ ሁሉ ያውቀዋል። ክርስቲያን ነኝ የሚል ሁሉ ይሰብከዋል። የጥንት ኢትዮጵያውያን ሊቃውንት አበው በሰሩልን ስርአት እኛ የኢትዮጵያ ኦርቶዶክስ ቤተ ክርስቲያን ካህናት፤ ከዓለም ልዩ በሆነ መንገድ በስብሸባ በዝማሬ፤ አዛውንቱ በይባቤ፤ ሴቱ በዕልልታ፤ ጎልማሶች በሆታ ሁላችንም ጥምቀት የተሸከመችውን ጥልቅና ምጡቅ ምሥጢር በከፍተኛ ስሜት እናንጸባርቃታለን። ከጥምቀት ምሥጢር ጋራ የተወሀደውን የኢትዮጵያዊነትን ስሜት ለባእድ ግልጽ አድርጎ ለማቅረብና ትውልዱን ለማስተማር ከዚህ ዘመን የከፋ ዘመን ኢትዮጵያን እና ቤተ ክርስቲያናችንን የሚገጥማቸው አይመስለኝም።

የተሸከመውን የበዓሉን መልእክት ይዘት እና ጥልቀት ለወዳጅ ለጠላት ግልጽ አርጎ ለማቅረብ ለትውልዱም ለመመስከር በቤተ መቅደሱና በአውደ ምህረቱ የምንቆም ካህናት ምን ያህል እንደገባንናብቃታችንን እንመርምር። እራሳችንንም እንጠይቅ። የጥምቀቱን ምሥጢር ከሊቃውንቱ እንደተማርኩት ከኢትዮጵያዊነት ብሄራዊ ስሜት ጋራ
ተዋህዶ የኢትዮጵን ክብር ከሚያንጸባርቁት ነገሮች አንዱ መሆኑን ሲነገር ሰምቼ ቢሆን ኖሮ፤ ሰአቴን ባላጠፋሁ፤ በድረ ገጾች ያቀረቡትን ወገኖች ለማድከም ባልሞከርኩ ነበር። ክርስቶስ ሲጠመቅ የወጃት ጽድቅ፤ ዛሬ በኢትዮጵያ ላይ ሲደረግ ከማየውና ከምሰማው ጋራ በመጋጨቷ በኢትዮጵያውያን እይታ በሚል ርእስ ይህችን ጦማር እንዳቀርበት ተገደድኩ።።
ሙሉውን ለማንበብ እዚህ ይጫኑ

“ሌላም አውሬ ከምድር ሲወጣ አየሁ” – June 18, 2016

“ወእምዝ ወጽአ ካልዕ አርዌ እምነ ምድር፤ ወበሥልጣኑ ለቀዳማዊ አርዌ ይገብር ኩሎ በቅድሜሁ፤ ወይረስያ ለምድር ከመ እለ ይነብሩ ውስቴታ ይሰግዱ ሎቱ ለቀዳማዊ አርዌ ” (ራዕይ 13፡12) ።

ሰሞኑን በቤተ ክርስቲያናችን ዙሪያ በውስጥና በውጭ የሚካሄደውን አየሁ። የሚንጫጫውንም ሰማሁ። ተጽፎ ባነበብኩትና በመገናኛ ዘዴዎች በሰማሁት ጫጫታወች ውስጥ ያለችውን ቤተ ክርስቲያንን እንዴት ልግለጻት ብየ አሰብኩ። በዚህ የሀሳብ ማእበል ውስጥ ሳለሁ፤ በአባይ በርሀ፤ በፊላው ስር ተከሰተ እየተባለ በልጅነቴ ሲነገር የሰማኌት ቀውጢ ትዝ አለችኝ። በዚያች ቅጽበት በተከሰተችው ቀውጢ ክስተት ኦርቶዶክሳዊት ቤተክርስቲያኔን አየኋት። ሙሊውን ለማንበብ እዚህ ይጫኑ

“ሌላም አውሬ ከምድር ሲወጣ አየሁ”

ቦካሳ

በዚህ ዘመን፤ እንደ ጥንቱ ክርስቲያኖች፤ ለኢትዮጵያ ቤተ ክርስቲያንና ለኢትዮጵያ፤ እንደ ቀሲስ አስተርአየ ጽጌ  የሚወዱትና የሚያምኑት ሰው ማግኘት የፈጣሪ ቡራኬ ነው። ቀሲስ አስተርአየ ጽጌ  በተለያየ ምክንያት በስሕተት ጎዳና  ያሉትን ሰዎች እውነቱን ለማስረዳት በሊቅነታቸው በሚሰጠ እጅግ ጠንካራ ተግሣጽና ምክር መንፈሳዊ ሕይወታችንን ከፍ ስለሚያደርጉ ክብር ገባቸል።

“ፈታኝና አስቸጋሪ ነገር ሲገጥመኝ ለመግለጽ  የምሞክረው  በቤተ ክርስቲያናችን ሕጽን የነበሩ ሊቃውንት አበው ኢትዮጵያ  ባቋረጠችባቸው ዘመናት ያጋጠሟትን መከራና ደስታ በገለጹባቸው በቅኔወቻቸውና በስሜታቸው ነው። ስህተት መሆኑን ህሊናየ ከነገረኝ፤  እውነት አለመሆኑን እያወኩ የዘመኑ ሰው ስለማይወደው ይጠላኛል፤ ይሸሸኛል፤ ይርቀኛል፤ ይዘልፈኛል ብየ ከመናገር አንደበቴን አልገታም።  ከንቱ ውዳሴና ክብር ለማግኘት፤  የከንቱ ውዳሴና ክብር ትርፍ ምንጭ ከሆኑት ዘመናውያንና ብዙ ቍጥር ከሚያጅባቸው ጋራ በመሰለፍ ከማገኘው ክብር፤ ሽልማትም ሆነ ሹመት ፤ ምንጫቸውን ሞት ካደረቀባቸው፤ ሊረዱኝና ሊደግፉኝ ሞት ከከለከላቸው ፤ በህይወት ከሌሉ  ሰዎች ጋራ መሰለፉን እመርጣለሁ። ሰማይ ዝቅ መሬት ከፍ ቢል፤ ሊቃውንት ለማይቀበሉት ፤ ቤተ ክርስቲያንን ፣ ኢትዮጵዮጵያአገርንና ወገንን ለሚጎዳ ነገር ህሊናየን  መቃብር ማድረግ ፈጽሞ  አልፈልግም።” (ቀሲስ አስተርአየ ጽጌ ) 02/20/2016

ሙሉውን ለማንበብ እዚህ ይጫኑ።

ድንበር ሲፈርስ፤ መሐሉ ዳር ይሆናል

“ድንበር ሲፈርስ፤ መሐሉ ዳር ይሆናል” በሚል ርእስ ይህች ጦማር የፈለቀችበት ዘመን፤ ኢትዮጵያን ከጎረቤት አገር የሚያዋስኗት ድንበሮችና፤ በውስጥም ዜጎቿ ተከባብረውና ተዋደው የሚኖሩባቸው ወሰኖች የፈረሱበት፤ ረዥም ዘመን የኖሩ ዛፎች የተጨፈጨቡት፤ መልሰው እንዳያቆጠቁጡ፤ (እንዳያንሰራሩ) ግንዶች ከነስራቸው የነገሉበት ዘመን ነው። ለ 25 ዓመት ኢትዮጵያን የገዛው የወያኔ መንግሥት፤ አገሪቱን ከተቆጣጠረበት ቅጽበት ጀምሮ በቅርብ የሚታየው ከሩቅ የሚሰማው መፍረስና መገሰስ ቢሆንም፤ በየዘመኑ ድንበር እየጣሱ ከመጡ ወራሪዎች ጋራ ለዳር ድንበር ስትፋለም የኖረች ጥንታዊት የኢትዮጵያ ኦርቶዶክስ ተውህዶ ቤተ ክርስቲያናችን በዚህ ወቅት ምን ትላለች?የሚለው ጥያቄ በኢትዮጵያውያን መካከል ብቻ ሳይወሰን፤ የኢትዮጵያን ታሪክ በሚያውቁ በውጭ አገር ሊቃውንት መካከልም መነጋገሪያ ሆኗል።
በዚህ ወቅት የፈለቀችው ይህች ጦማር፤ ይህች ጥንታዊት ቤተ ክርስቲያን ስለ ድንበር የተሸከመችው ሀሳብ የራሴ ፈጠራ አይደለም። በሱባዔ፣ በህልም የተከሰተልኝ አይደለም።አልበቃሁምና መንፈስ ቅዱስ ገለጾልኝም አይደለም። የቅኔ ችሎታቸውን ከመንደር ቧልትና ነገረ ዘርቅ ያላቀቁ ሊቃውንት የህዝቡን አሉታ እየተመለከቱ፤ በሰረዙ ቅኔያቸው ሲዘርፉበት የሰማሁት ነው። የትርጓሜ መምህራንም ባንድምታ ትርጉማቸው የሚያመሠጥሩት፤ ለእለታዊ ጥቅም ተልእኳቸውን ያልሸጡ ቀሳውስትም በጸሎታቸው ሲገልጹት የሰማሁትና “ድንበር ሲፈርስ መሐሉ ዳር ይሆናል፤ የዛፍ ጫፉ ሲጨፈጨፍ ግንዱ ጫፍ ይሆናል”እያሉ የመንደር አዛውንትም ሲናገሩ የሰማሁትን ነው።

ሙሉውን ለማንበብ እዚህ ይጫኑ።

ተሐድሶዎች በቤተ ክርስቲያናችን ላይ ላወጁት የተሳሳተ ትምህርት መልስ

ትድረሳችሁ

ከእውቀቱ፤ ከችሎታው፤ ከስሜቱና ከፍላጎቱ ጋራ፤ በአገር ውስጥና በውጭ በገጠር በከተማ በየአድባራቱና ገዳማቱ ላላችሁ ሁሉ፤ ተሐድሶዎች በቤተ ክርስቲያናችን ላይ ላወጁት የተሳሳተ ትምህርት መልስ ይሆን ዘንድ ላቀረብኳት የምስክርነት ጦማር መግቢያ ትሆነኝ ዘንድ ለሁለተኛ ጊዜ በግእዝ የጻፍኳት ይህች ጦማር ትድረሳችሁ። “ለሁለተኛ ጊዜ” ያልኩበት ምክንያት ከዚህ በፊት አቡነ ቀውስጦ ወደ ዲሲ በመጡበት ወቅት፤ ስለቤተክርስቲያናችን ጠቅላላ ችግር በግእዝ አዘጋጅቼ ሰጥቻቸው ነበርና ይህችኛዋ ሁለተኛ በመሆኗ ነው። አቡነ ቀውስጦስ “ቤተ ክርስቲያናችን ካስተማረችህ አንዱ ነህ። ወደውጭ ወጥተህም የውጩን ለመቃኘት እድሉን አግኝተሀል። በዚህ ላይ ከሁሉም ቀደም ብለህ ወደ አሜሪካ በመምጣትህ ብዙ አይተሀል። ታዝበሀልም። አሁን ወደ ዲስ መጥቻለሁና፤ የታዘብከውንና ለቤተ ክርስቲያን ይጠቅማል የምትለውን በጽሑፍ አርገህ አቀብለኝ” ብለውኝ በወቅቱ የታየኝ የተሰማኝን ግንቦት 24 ቀን 1997 ዓ/ ም ጽፌ አቀበልኴቸው። ይዘውት ወደ አዲስ አበባ ሄደው ሲመለሱ ምን ይዘው እንደተመለሱ ጠየኳቸው።

ሙሉውን ለማንበብ እዚህ ይጫኑ።

ደመራ (New: 9/27/2015)

እንኳን ለዘንድሮው የደመራ በዓል አደረሳችሁ! አደረሰን!

ሰላሙ የደፈረሰበት ህዝብ የመንፈስ ጤንነት አይሰማውም። ሰላምና ጤና የሚነጣጠሉ አይደሉምና፤ የመንፈስ ጤንነት የደፈረሰበት ህዝብ ጤናማ ነው ማለት አይቻልም። “ሰላም ሳይኖር ሰላም የሚሉ ወዮላቸው!” ከሚለው ከነብያት ቃል ጋራ ተጋጨ። ይህም ብቻ አይደለም። ሰላም የሌለን ቄሶች ሰላም እንደሌለን እያወቅን፤ የተቀጠርንለት እለታዊ ገቢያችን እንዳይቀርብን “ ሰላም ለኩልክሙ” እንላለን። በጥቅሉ ልማድ አድራሾች ሆን። የተዋህዶ እምነት ተከታዮች ነን የምንል ኢትዮጵያውያን ሰላም ምንጭ ጌታችን ኢየሱስ ክርስቶስን ሊወሀደን ቀርቶ አልተቀበልነውም። ከዚህ ዓመት የደረስነው አሁን ያለንበት “በደብረ ሰላም ኢይኩን ሀከክ” ማለትም፦ በደብራችን ህውከት ብጥብጥ አይኑር” እያልን ጉሮሯችን እስኪሰነጠቅ የምንጮኸው ላምድ ለማድረስ ብቻ ነው። ስለዚህ “እንኳን አደረሳችሁ” እንጅ “እንኳን በሰላምና በጤና አደረሳችሁ” ማለት መዋሸት ነው።
ሙሉውን ለማንበብ እዚህ ይጫኑ።

1 2 3 6