Category Archives: አዳዲስ ዜናዎችና መልእክቶች

የዘንዶ ሱባዔ?

ሱባዔ፦ በሰው፤ በቦታና በሰአት ስለሚከናወን የሶስቱም ማለትም የሰአት፤ የሰባዊነትና የመካን ድምር ነው። ሱባዔ በኦርቶዶክስ ተዋህዶ ቤተ ክርስቲያን ጥልቅ፤ ረቂቅና ምጡቅ ግንዛቤ አለው። በመንፈሳችንና በሥጋችን መካከል ያለውን ሚዛን አለመሰበሩንና አለማጋደሉን፤ በፈጣሪያችንና በራሳችን መካከል፤ በህዝባችንና በራሳችን መካከል ያለንን ግንኙነት የምንፈትሽበት ነው። በሩቅና በቅርብ ያለውን አካባቢያችንን ማየት የምንችልበት ተራራ ነው። ውስጣዊ ህሊናችንን የምናይበት ረቂቅ መስታወት ነው። የራቀውን አቅርቦ የረቀቀውን አጉልቶ የሚያሳየን፤
እመቀ እመቃት፡ አየረ አየራት፡ ያሉትን ሁሉ ፍጥረታት የምንፈትሽበት ተራዛሚ መነጽር ነው።

ሱባዔ፦ በሰው ብቻ የተወሰነ አይደለም። በደማቸው ሞቃትነትና ቀዝቃዛነት የሚለያዩ ፍጥረታት በየደረጃቸው ሱባዔ ይገባሉ። የፍጥረታትን ቅደም ተከተል በመጠበቅ የደመ ሞቃት እንስሳትንና፤ የዘንዶን ሱባዔ ከዳሰሰን በኌላ፤ የዘመናችን በተለይም የመነኮሳት ሱባኤ ከጥንታዊት ኦርቶዶክሳዊት ተዋህዶ ቤተ ክርስቲያናችን ሱባዔ ተቀይሮ፤ ከደመ ሞቃት እንስሳት ምን ያህል እንደራቀና ወደ ዘንዶ ሱባዔ እንደተቀረ በማነጻጸር፤ ይህ የዘንዶ አይነት ሡባዔ የማይታረም ባለበት የሚቀጥል ከሆነ፤ የቤተ ክርስቲያኒቱ አባላት ሁሉ ወንዱም ሴቱም በተለይ ትዳር ያፈረሰ በዝሙት በሌብነት በዘራፊነት የተከሰሰ ሁሉ ቆቡን እያጠለቀ፤ ምንኩስና ቁምስና ወደ ተላበሰ ቅስናና ሊቀ ጳጳስና እኛም እንግባ ብሎ መነሳቱ መፍትሄው ይመስለኛል። ሁሉንም አይተን ከምዳሜ ለመድረስ ከደመ ሞቃት እንስሳት ሱባዔ እጀምራለሁ። ሙሉውን ለማንበብ እዚህ ይጫኑ

“የተጻፈ ለተግሳጽና ለትምህርት ተጻፈ”

የግእዙ ትርጉም

“ትእይርቶሙ ለእለ ይትዔየሩክ ወድቀ ላእሌየ። ወኩሉ ዘተጽሕፈ ለተግሳጸ ዚአነ ተጽሕፈ ከመ በትእግስትነ ወበተወክሎ መጻሕፍት ንርከብ ተስፋነ”(ሮሜ 15፡ 3)።

ይህችን ጦማር “የተጻፈ ለተግሳጽና ለትምህርት ተጻፈ” በምትለው ሐረግ ላይ እንድመሰረትታ ያደረገኝ ተጽፎ ከቆየው መጽሐፍ በመፍለቋ ነው። የፈለቀችበት መጽሐፍ ጨካኞች በዜጎቻቸው ላይ መከራ በሚያበዙበት ወቅት መንፈሳቸውን በጽናት በተስፋና በስነ ምግባር እንዲያጠነክሩ የሚያሳስብ ነው። “የተጻፈ ለተግሳጽና ለትምህርት ተጻፈ” የምትለው ጥቅስ ለዚህች ጦማር ምክንያት የሆነችውን ጥንታዊት ክርታስ አጉልታ ስለምታሳይ ከቅዱስ ጳውሎስ መልእክት ወስድኳት። ይህችን ጥንታዊት ክርታስ ያቀበሉኝ ዶ ክተር ጌታቸው ኃይሌ ናቸው። “የታረዱት ነፍሳት ጩኸት” በሚል ርዕስ ከተባበሩት መንፈሳውያን ህብረት መግለጫ በሚመለከቱበት ወቅት እንዳጋጣሚ ከዚህ በታች የሰፈረችውን ክርታስ የያዘውን መጽሐፍ ይመለከቱ ስለነበር፤ ከተባባሩት መንፈሳውያን ህብረት መግለጫ ጋራ መመሳሰሏ ገርሟቸው ይህችን ክርታስ እንድመለከታት ከመጽሐፉ ቆንጥረው አቀበሉኝ።

ሙሉውን ለማንበብ እዚህ ይጫኑ

ሕዝበ ክርስቲያን በጰራቅሊጦስ መንገድ ሲሄዱ፤ፓትርያርክ፤ሊቃነ ጳጳሳት፤መነኮሳትና ቀሳውስት በሳጥናኤል መንገድ ነጎዱ

ለዚህች ጦማር መፍለቅ ምክንያት የሆነው ባለፈው እሁድ ሰኔ ፩ ቀን ፳፻፮ ዓ/ ም ያከብረነው ጰራቅሊጦስ የሚባለው ዓመታዊ በዓል ነው። በዚህች ቀን ጰራቅሊጦስ (እግዚአብሔር መንፈስ ቅዱስ) ቤተ ክርስቲያንን በምድር ላይ የመሰረተበትን ዓላማና ተግባር እናጤናለን። ዓላማው፤ ሐዋርያት ከክርስቶስ ጋራ በቆዩበት ጊዜ የተማሩትንና የሰሙትን እንዳይረሱ፤ በጥበብ በማስተዋል በቅድስናና በድፍረት ሰውን ከሀሰት ወደ እውነት፤ ከክህደት ወደ እምነት፤ ከበደል ወደ ደግነት፤ ከኃጢአት ወደ ጽድቅ፤ ከግለኝነት ወደ ህዝባዊነት፤ በጠቅላላው ከዲያብሎስ ወደ ክርስቶስ ለማምጣት ነው። እነዚህን ነገሮች በተግባር የሚያውሉት ሰዎች ክርስቲያኖች ተባሉ። ከክርስቲያኖች መካከል በእውቀታቸው፤ በችሎታቸውና በመንፈሳዊነታቸው ተመርጠው በአመራር ላይ ያሉ ደግሞ ጳጳሳትና ቀሳውስት ተባሉ። የነዚህ ሁሉ ክምችት ቤተ ክርስቲያን ተባለች። ይህች ቤተ ክርስቲያን በምድር ያለች “ትምጣ” እያልን የምንመኛትን በሰማይ ያለችውን መለኮታዊት መንግሥት የምታንጸባርቅ ምሳሌና ምልክት የሆነች ድርጅት ናት።

ይህችን ድርጅት በመጀመሪያ ተቀበሉት ተብለው ከሚነገርላቸው ህዝቦች መካከል ኢትዮጵያውያን አሉበት። በዚህም ምክንያት ያብነት መምህራን ኢትዮጵያውያንና የሚኑሩባትን ምድር እንደሚከተለው ይገልጿቸዋል። ኢትዮጵያውያን ፊደሎች ናቸው። ኢትዮጵያ ደግሞ የፊደል ገበታቸው ናት። ኢትዮጵያውያን ታቦቶች ናቸው። ኢትዮጵያውያን የሚኖሩባት ምድር ለኢትዮጵያውያን መንበራቸው ናት።ከፊደል ገበታ ያልተሳተፈ መጽሐፍ ማንበብ እንደማይችል፤ ከኢትዮጵያዊነት ስሜትና መንፈስ ያልተሳተፈ ኢትዮጵያን አያውቃትም። በኢትዮጵያዊነት
ያልተቀረጸም፤ ኢትዮጵያን መንበሩ ሊያደርጋት አይችልም ይላሉ። ስለ በዓለ ጰራቅሊጦስ አጭር መግለጫ ከሰጠሁ በኋላ፡ ኢትዮጵያ ለኢትዮጵያውን የፊደል ገበታቸው፤ የተቀመጡባት መንበራቸው እንደሆነችና፤ ቤተ ክርስቲያን በመሬት ከተመሰረተችባቸው አገሮች አንዷ እንደሆነች ለመግለጽ እሞክርና፤ በዘመናችን በተለይም በወያኔ ዘመን ያየናቸውን መንፈሳውያን መሪዎች በየትኛው መንገድ ላይ እንዳሉ በንጽጽር ለማሳየት፤ ከዚህ በታች በተዘረዘሩት አንቀጾች ይህችን ጦማር አቅርቤያታለሁ።
ሙሉውን ለማንበብ እዚህ ይጫኑ

“ኢንሔሊ ተቃርኖተ ጽድቅ” ከእውነት ጋራ የሚጋጭ ነገር እየሰራን ለመኖር አንድፈር

ይህችን ጦማር “ኢንሔሊ ተቃርኖተ ጽድቅ” በሚል ርእስ ለማዘጋጀት ምክንያት የሆነኝ፤ አቡነ ማትያስ የዘንድሮውን (የ ፳፻፮ ዓ.ም.) ትንሳኤን ምክንያት አድርገው ልጆቼ እያሉ
ለኢትዮጵያ ኦርቶዶክስ ተዋህዶ ክርስቲያኖች ያቀረቡት መልእክት ሲሆን፤ አንብቤ የተሰማኝን ሀሳብ እንድሰጥ ጥያቄ ስለቀረበልኝ ነው። ሳነበው በቅኔ ትምህርት ቤት ሳለሁ ባካባቢው ተከስቶ የነበረውን ነገር አሰታወሰኝ። ትዝታው ይህ ነው። በዋዛ በፈዛዛ ህይወቱን በማሳለፍ ላይ የነበረ አንድ ሰው ያባቱን መሬት ማረስ ረስቶ ያውሬ መፈንጫ እንዲሆን አደረገው። አጎቱ ታታሪ ሰራተኛ ነበሩና እሱ የረሳውን ደክመው አለሙት። ደክመው ካለሙት በኋላ፤ ይህ ቁም ነገር የለሽ ሰው “ያባቴ መሬት ይመለሰልኝ” ብሎ አጎቱን ባደባባይ ከሰሳቸው። እንዲመልሱለት የከሰሳቸው አጎቱ፤ በታታሪነታቸው በአራሽነታቸው ለምሳሌ የሚጠቀሱ፤ በዘመኑ በነበረው የእውቀት ደረጃም እጅግ የተማሩ፤ የተከበሩ ዳዊት ደጋሚ ነበሩ። ተከስሰው በቆሙበት አደባባይ ስለ ከሰሳቸው ሰው የሚከተለውን ተናገሩ።
ሙሉውን ለማንበብ እዚህ ይጫኑ

“ጸርሁ በዓቢይ ቃል”: የታረዱት ነፍሳት ጩኸት – ዋሺንግተን ዲሲ በተደረገው ትዕይንት ላይ የቀረበ – በቀሲስ አስተርኣየ ጽጌ

“ጸርሁ በዓቢይ ቃል”: የታረዱት ነፍሳት ጩኸት! click here to open in new tab

Download the PDF file .


Download ““ጸርሁ በዓቢይ ቃል”: የታረዱት ነፍሳት ጩኸት!” -በግዕ-2.pdf – Downloaded 329 times – 316 kB

በዋሽንግተን ዲሲ የቤተክርስቲያን የአንድነት ጥሪ በተሳካና በደመቀ ሁኔታ ተካሄደ።

በዋሽንግተን ዲሲ የቤተክርስቲያን የአንድነት ጥሪ በተሳካና በደመቀ ሁኔታ መካሄዱን የሚያሳይ በፎቶ የተደገፈ ዘገባ

በተለያዩ የሐይማኖት ተቋማትና የሲቪክ ድርጅቶች ተሳታፊነት በዛሬው ዕለት ዋሽንትግተን ዲሲ ከተማ ውስጥ በርካታ ቁጥር ያለቸው ኢትዮጵያዊያን ዘር፣ሐይማኖት፣ጾታና ዕድሜ ሳይለዩ በነቂስ በመገኘት ታላቅና ደማቅ በዓይነቱ ልዩ የሆነ ዝግጅት አድርገዋል። የዝግጅቱ ዋና ትኩረት በሊቢያ በሰማዕትነት ያለፉትን ኢትዮጵያውያን ለመዘከርና እንዱሁም በተለያዩ አገሮች ውስጥ በግፍ ለተገዱትን ወገኖች ጸሎተ ፍትሃት ለማድረግ ነው። በዝግጅቱ ላይ የሕጋዊው የኢ/ኦ/ተ/ቤ/ክ ቅዱስ ሲኖዶስ የእየሩሳሌምና አውስትራሊያ ሊቀጳጳስ የሆኑት አቡነ መቃሪዮስ ተገኝተው ቃል ምዕዳን ሰጥተዋል። ከዚህም በተጨማሪ የዘመናችን የኢ/ኦ/ተ/ቤ/ክ አንጋፋው ሊቅ ቀሲስ አስተርአየ ጽጌ እጅግ ወቅታዊ የሆነ ቀስቃሽና አነቃቂ መልዕክት አስተላልፈዋል።እንዲሁም ዝግጅቱን አስመልክተው ፕሬዝዳንት ባራክ ኦባም ያስተላለፉት መልዕክትም ተነቧል።

ይህ ታሪካዊ ዝግጅት ተጀምሮ እስኪያልቅ ድረስ ሥራውን በማስተባበርና በመምራት እንዲሁም አስፈላጊውን ነገር በሙሉ በማሟላት የዋሽንግተን ዲሲ ርዕሰ አድባራት ደብረ ሰላም ቅድስት ማርያም ቤተክርስቲያን ከፍተኛ አስተዋጾ አድርጋለች። በዚህም መሠረት የቤተክርስቲያኒቷ አስተዳዳሪ ሊቀ ማዕምራን ቀሲስ ዶ/ር አማረ ካሣዬ የግንባር ሥጋ በመሆን ከፍተኛ ርብርቦሽ በማድረጋቸው “ትወልደ ጻድቃን ይትባረኩ” እንደሚለው ልጆቻቸውን እግዚያብሔር ይባርክላቸው እንላለን።በዚህ ታሪካዊ ዝግጅት ላይ እንዲሳተፉ ጥሪ የተደረገላቸው የዋሽንግተን ዲሲ ከተማ አካባቢ ቤተክርስቲያኖች ቁጥራቸው በርካታ ቢሆንም በስፍራው ላይ የተገኙት ግን ጥቂቶች ብቻ ናቸው። አንዳንዶቹ ላለመሳተፋቸው የሰጡት ምክንያት ጥሪ “በስማችንና በአድራሻችን” አልተላከልንም ወዘተ.. የመሳሰሉ ተልካሻና ውሃ የማቋጥሩ ሰበቦችን ቢደረድሩም፣ አብዛኛው የዝግጅቱ ተሳታፊዎች ግን እውነተኛው ምክንያታቸው አንዱ እግራቸው ቤተክርስቲያን ውስጥ ሌላው እግራቸው ደግሞ ወያኔ ውስጥ በመገኘቱ ነው የሚል አስተያየት ሰጥተዋል።

እነዚህ ባለሁለት ባሕርይ ካህናት ለማኛውም አገራዊ ጉዳይ በተለይም ወያኔን በሚነኩ ጉዳዮች ላይ ተሳትፎ እንዲያደርጉ ሲጠየቁ የሚሰጡት ምክንያት ዙሪያው ጥምጥም የሆነ “ፖለቲካ ውስጥ አንገባም፣ቤተክርስቲያን እራሷን አዋርዳ ለዓለም ገዥዎች ሰልፍ አትወጣም፣ እኛ ጸሎት ብቻ ነው የምናደርገው ወዘተ..” እያሉ ምዕመናንን በማዘናጋት ከወያኔዎች ጋር በተለያየ ጥቅሞች ተቆራኝው የሕዝብን መከራ በማራዘም ላይ ይገኛሉ። ወገኖቻችን የስራና የኑሮ ሁኔታዎች ስለጨለሙባቸው ከአገራቸው በመሰደድ ሕይወታቸውን ለአደጋ አጋልጠው መልካም ቀን ይመጣልን ይሆናል ብለው በማለም በበረሃ ውስጥ ለአይሲሲ አራጆች የተዳረጉት በወያኔዎች ምክንያት እንደሆነ እየተወቀ፣ እነዚሁ ሆዳም ካህናት ሁኔታዎችን አለባብሰው ለማለፍና ወያኔን ከተጠያቂነት ለማዳን የማይፈነቅሉት ድንጋይ የለም።

እጅግ የሚያሳዝነው ዐቢይ ጉዳይ ደግሞ እነዚህ መምህራንና ካህናት ወንጌል እንደሚያስተምረን እውነቱን እውነት፣ ሀሰቱንም ሀሰት ማለት የተሳናቸው ለሁለት ጌቶች ያደሩ አጭበርባሪዎች የኢትዮጵያን ኦርቶዶክስ ተወሕዶ ቤተክርስቲያንን ያሽመደመዱና አቅመ ቢስ ያደረጉ በመሆናቸው በነሱ ላይ የመረረ ተቃውሞ የሚያሰሙ ምዕመናን ሁልቆ መሳፍርት ናቸው። በቅርቡ በሊቢያ ውስጥ የተሰዉ ወገኖቻቸን ማተባቸውን አንበጥስም ብለው አንገታቸውን ለሰይፍና ጭንቅላታቸውን ለጥይት ሲሰጡ ያስተማሪን ታላቁ ቁም ነገር አስመስሎና ቀላምዶ ከመኖር እውነተኛውን ነገር ጨብጦ ይህንን አላፊ ጠፊ ዓለም በክብር ማለፍን ነው። ሆኖም ዛሬ በየቤተክርስቲያናቱ ውስጥ የተሰገሰጉ አንዳንድ ጥቅመኛ ካህናት ምንያህል የዘቀጡና የተዋረዱ መሆናቸውን ከሥታቸው ለመረዳት አስቸጋሪ አይሆንም። ሆኖም የኢ/ኦ/ተ/ቤ/ክ በረዥም ዓመት ታሪኳ እንደአሁኑ ዓይነት የፈተና ጊዜዎችን ተቋቁማ በማለፍ ከትውልድ ወደ ትውልድ ስትሸጋገር ኖራለች። ወደፊትም ትኖራለች።እውነት ምንም ብትቀጭጭም ብትደበዝዝም ጨርሳ ስለማትጠፋ ከሕዝብ ወገን የሆኑ እውነተኛ ካህናትን እንደነ አቡነ መቃሪዮስ፣ ቀሲስ አስተርአየ ጽጌ፣ ቀሲስ ዶ/ር አማረ ካሣዬ፣ መምህር ሳሙኤልና ሌሎችንም እግዚያብሔር ስለሰጠን ነገን በእምነትና በተስፋ እንድንጠብቅ አስችሎናል። የእነዚህን አባቶቻችንን ቁጥር ያብዛልን።

ምንጭ፦://www.mereja.com/amharic/451359


በዝግጅቱ ላይ የተነሱ ፍቶግራፎችን ይመልከቱ። 

p12

ቀሲስ አስተርኣየ ጽጌ

p4

p10

p3

p9

p6

1 2 3 4 5 6 8